తాళ్లరేవు మండలం పరిధిలోని ఇంజరం గ్రామంలో సుమారు 60 లక్షల నిధులతో శ్రీ పరదేశమ్మ తల్లి అమ్మవారి ఆలయం పునర్నిర్మాణానికి ముమ్మిడివరం ఎమ్మెల్యే దాట్ల సుబ్బరాజు భూమి పూజ నిర్వహించారు. ఈ సందర్భంగా ముందుగా స్థానిక కె.వి.ఆర్ అంజలీ చారిటబుల్ ట్రస్ట్ అధినేత కాకరపర్తి వెంకట్రావు, పూర్ణిమా దంపతులు పీటలపై కూర్చొని అమ్మవారికి పూజలు నిర్వహించి శాస్త్ర యుక్తంగా భూమి పూజ మహోత్సవాన్ని నిర్వహించారు. ఈ కార్యక్రమంలో ముమ్మిడివరం ఎమ్మెల్యే దాట్ల సుబ్బరాజు ముఖ్యఅతిథిగా పాల్గొని శిలాఫలకం ఆవిష్కరించి ఆలయ పునర్నిర్మాణానికి శ్రీకారం చుట్టారు. ఈ కార్యక్రమంలో స్థానిక నాయకులు సాగీ బాబ్జి రాజు, వేగేశ్న భాస్కర్ రాజు, ఆకెళ్ళ నాగేశ్వరరావు, మాజీ సర్పంచ్ ముద్దన వెంకట శివరాం ప్రసాద్, ఎంపిటిసి కోరుకొండ కిరణ్ కుమారీ చంటి, తెలుగుదేశం పార్టీ గ్రామ కమిటీ నాయకులు, కార్యకర్తలు భక్తులు తదితరులు పాల్గొన్నారు.

శ్రీ పరదేశమ్మ తల్లి ఆశీస్సులుతో పునర్నిర్మాణానికి సంబంధించి గుడి తొలగించే పని మొదలు కావడం జరిగింది.

తల్లి ఆశీస్సులు మరియు గ్రామస్తుల అనుమతితో శ్రీ పరదేశమ్మ అమ్మవారి ఆలయ పునర్నిర్మాణానికి సంబంధించి గుడి తొలగించే పని, శంకుస్థాపన మరియు ప్రతిష్ట మా దంపతులకు అవకాశం కలగడం ఆనందదాయకం.